Beckham në histori, bëhet sportisti i parë miliarder britanik

David Beckham është bërë sportisti i parë britanik që ka arritur zyrtarisht statusin e miliarderit, sipas edicionit 2026 të “Sunday Times Rich List”.

Pasuria e përbashkët e Beckham dhe bashkëshortes së tij, Victoria Beckham, vlerësohet në rreth 1.185 miliardë paund. Kjo i vendos ata ndër çiftet e famshëm më të pasur në Mbretërinë e Bashkuar dhe në vendin e dytë mes figurave të lidhura me sportin, pas familjes së ish-ekzekutivit të Formula 1, Bernie Ecclestone, me një pasuri të vlerësuar rreth 2 miliardë paund.

Pjesa më e madhe e suksesit financiar të Beckham ka ardhur pas përfundimit të karrierës së tij futbollistike. Përveç marrëveshjeve globale të sponsorizimit me marka si Adidas dhe Hugo Boss, ai është edhe bashkëpronar i klubit Inter Miami CF, i cili konsiderohet një nga klubet më të vlefshme të Major League Soccer, me një vlerë të raportuar rreth 1.45 miliard dollarë.