SPAK godet peshkaqenët që kanë kafshuar vendin! 20 masa sigurie! Arrestohet Orest Sota, në kërkim Artur Shehu e Ilir Shtufi

SPAK godet peshkaqenët që kanë kafshuar vendin! 20 masa sigurie! Arrestohet Orest Sota, në kërkim Artur Shehu e Ilir Shtufi

Orest Sota arrestohet në kuadër të një operacioni të zhvilluar nga SPAK dhe Policia e Shtetit. Ky operacion synon goditjen e një grupi kriminal të dyshuar për trafik droge dhe pastrim parash. Tani për tani, Orest Sota është në pranga. Ai dyshohet të jetë pjesë e një strukture kriminale të organizuar.

Raportohet se janë lëshuar 20 masa sigurie. Një nga ato është edhe për biznesmenët Artur Shehu dhe Ilir Shtufi. Të dy ata ndodhen jashtë vendit. Ata dyshohen se kanë pastruar paratë e një grupi trafikantësh droge.

Artur Shehu është pronar i një zone të madhe në Zvërnec. Aty planifikohet ndërtimi i një resorti luksoz. Po ashtu, në kërkim është edhe Orgec Birçaj. Ndërkohë, Edmond Jaupi ndodhet në ‘arrest shtëpie’.

Sipas raportimeve, Orest Sota u arrestua më 1 nëntor 2017. Ai u kap duke udhëtuar me 863 mijë euro në automjet. Në prill të këtij viti, Sota qëndroi për 5 orë në SPAK për të dhënë shpjegime. Ai u lidh me hetimet që po zhvillohen për AKSHI-n dhe biznesmenin Ergys Agasi.

SPAK ka lëshuar gjithashtu urdhër arrest për Ilir Shtufin. Ky i fundit është i njohur në fushën e ndërtimit dhe ka lidhje me Shkëlzen Berishën. Shtufi ndihmon në ndërtimin e disa kullave në Tiranë. Njëra prej tyre, “Mali i Tiranës”, pritet të jetë 65 kate e lartë.

Kompania Nova Construction, e drejtuar nga Shtufi, ka fituar tenderin për Lotin 4 të Unazës së Madhe. Kjo procedurë është aktualisht në hetim nga SPAK. Mediat kanë raportuar se Shkëlzen Berisha jeton në vilën e Ilir Shtufit në Rolling Hills. Më vonë, djali i ish-kryeministrit e pranoi këtë informacion.

Lajmi do të përditësohet me informacione të reja.

Sqarim: Çdo person prezumohet i pafajshëm deri sa nuk vërtetohet fajësia e tij me vendim gjyqësor të formës së prerë.