100 ditë në krye të Real Madrid, bilanc pozitiv për Mou-n, por Barcelona…

José Mourinho ka lënë gjurmët e para në rikthimin te Real Madridi, ku Florentino Pérez e thirri për të fituar sërish dhe për t’iu kundërvënë Barcelonës së Lamine Yamal. Bilanci fillestar është pozitiv: 9 fitore dhe 2 humbje në 11 ndeshjet e para në La Liga dhe Champions, me 81% fitore.

Në Europë, Reali ka mposhtur Interin dhe Romën, ndërsa në “Bernabéu” i ka fituar të gjashta ndeshjet, me 19 gola të shënuar dhe vetëm 4 të pësuar. Barcelona, megjithatë, vazhdon me pikë të plota. Mourinho ka rikthyer qetësinë dhe hierarkinë në dhomat e zhveshjes, ndërsa skuadra po kalon një periudhë më të mirë edhe sa iu përket dëmtimeve. Courtois, Mbappé dhe Valverde duken të paprekshëm, por trajneri ende kërkon formacionin ideal.

Sfida kryesore mbetet rikthimi i Vinicius në nivelin e tij më të mirë. Edhe Camavinga, Trent dhe Carreras nuk kanë bindur plotësisht. Jashtë fushës, Mourinho është përfshirë në polemikat e arbitrimit dhe në përplasjen institucionale me Barcelonën për çështjen “Negreira”. Tani, fitorja në “El Clásico” është thelbësore për të mos rrezikuar ecurinë në kampionat.