Gimbo flet për takimin e Selinit me mamanë e tij, zbulon detaje nga marrëdhënia
Ish-banori i Big Brother VIP Albania 5, Gimbo, ka ndarë detaje të reja nga jeta e tij personale dhe projektet muzikore gjatë një interviste në Goca dhe gra.
Teksa foli për marrëdhënien me Selin Bollatin, romancë e cila nisi brenda shtëpisë më të famshme në Shqipëri, Gimbo zbuloi se lidhja e tyre po vijon edhe jashtë formatit dhe madje ka hedhur hapa të rëndësishëm përpara. Ai tregoi për takimin e partneres me mamanë e tij, duke lënë të kuptohet se gjithçka ka shkuar mjaft mirë.
“Çika është duke u bërë gati (qesh). Selinës i kam treguar që do të të dërgoj, e kishim një takim shumë të mirë, u kënaqëm. Ishalla kështu vazhdon”, u shpreh ai, duke reflektuar një raport të ngrohtë dhe pozitiv mes tyre.
Nga ana tjetër, ish-banori ndau edhe planet në muzikë, duke zbuluar se është duke punuar për një album të ri në bashkëpunim me Gjesti, fitues i Big Brother VIP Albania 4.
“Albumi ka të veçantë, secila këngë është ndryshe nga tjetra, është një sound i ri. Nuk e keni ndjerë ndonjëherë, për këtë jemi munduar ta bëjmë në mënyra autentike të muzikës shqiptare”, tha ai.
Me një marrëdhënie në rritje dhe projekte të reja në horizont, duket se Gimbo po shijon një periudhë të rëndësishme si në jetën personale, ashtu edhe në karrierë.
