PAMJET/ Shoferi humb kontrollin, aksidenton një person me biçikletë dhe godet tre makina të parkuara

Një aksident me një të plagosur është regjistruar paraditen e kësaj të mërkure në aksin Lezhë-Shëngjin.

Korespondenti i Panorama bën me dije se një automjet i cili lëvizte me shpejtesi ka humbur kontrollin dhe ka goditur një biçikletë, duke hedhur në tokë personin që udhëtonte me mjetin.

Ndërkohë nga humbja e kontrollit mbi mjetin, shoferi ka goditur dhe tre automjete të tjera, të cilat ishin të parkuara para një lokali.

Si pasojë e aksidentit, i plagosur ka mbetur shoferi i biçikletës, që është dërguar me urgjencë në spitalin e Lezhës.

Policia ka nisur hetimet mbi rrethanat e aksidentit.