U rëndit në vendin e dytë në Kupën e Botës për ski, Manastirliu mirëpret Colturin: Mbajte lart flamurin e Shqipërisë

Skiatorja shqiptare, Lara Colturi bëri paraqitje pozitive në Garën e Kupës së Botës në Austri, teksa u rendit në vendin e dytë. Ministrja e Arsimit dhe Sportit, Ogerta Manastirliu ka mirëpritur Colturin, teksa nëpërmjet një postimi në rrjetet sociale, e ka vlerësuar atë për faktin se ka ngritur flamurin kuqezi në majat më të larta të botës.

Postimi:

Kënaqësi të prisja Lara Colturin, një supertalent i pistës së skive, e cila ka ngritur flamurin kuqezi në majat më të larta të botës, me fitoren fantastike të medaljes së argjendtë në një prej etapave të Kupës së Botës në Ski!

#ForcaLara

#KrenarëPërShqipërinë