Fejohet ish e dashura e Liam Payne

Sophia Smith, ish-e dashura e yllit të “One Direction”, Liam Payne, ka njoftuar se është fejuar. 30-vjeçarja ndau momentin e veçantë kur i fejuari i saj, James Bridgwood, i propozoi gjatë periudhës së Krishtlindjeve.

Ajo shpërndau një video ku James e pyet për martesë në një dhomë të mbushur me petale trëndafili dhe një shishe shampanjë, teksa ata po kalonin kohë së bashku me vajzën e tyre, Angelina Grace, e lindur në prill 2023.

“Po një milion herë. 25.12.24”, ka shkruar ajo në përshkrim krahas një ‘emoji’ të zemrës.

Sophia dhe Liam kishin një lidhje të njohur që zgjati nga 2013 deri në tetorin e vitit 2015. Përpara se të nisnin marrëdhënien, Liam e kishte lutur disa herë Sophia-n për të dalë me të.