Kim kthehet në Paris për të dëshmuar në gjyqin për grabitjen që tronditi jetën e saj

Pas gati një dekade nga momenti kur iu rrezikua jeta në Paris, Kim Kardashian është rikthyer në qytetin ku përjetoi një nga ngjarjet më traumatike të jetës së saj.

44-vjeçarja do të dëshmojë personalisht në gjyqin ndaj 10 personave të akuzuar për grabitjen e vitit 2016, ku u lidh dhe u mbyll në gojë nga hajdutë të armatosur në dhomën e saj të hotelit luksoz. Ata i morën bizhuteri me vlerë rreth 9 milionë dollarë, përfshirë edhe një unazë 4 milionë dollarëshe, dhuratë nga Kanye West.

Një burim për PEOPLE tha se Kim “është pak nervoze, por gjithmonë ka dashur të dëshmojë vetë. Ajo ishte e tmerruar për jetën e saj atë natë dhe dëshiron drejtësi.”

Në Instagram, ajo ndau një foto nga avioni i saj privat, duke treguar se ishte nisur drejt Parisit – këtë herë jo për modë, por për të përballur fytyrat e frikës së saj.

Në një episod të vjetër të “KUWTK”, Kim kujtoi momentin kur i vunë armën në kokë dhe u detyrua të zgjidhte mes arratisë apo nënshtrimit. Sot, ajo zgjedh të flasë.